Willkommen auf Tagtt!
Friday, 26. April 2024
Tagebücher » moolja » News, Bilder, Videos - Online
Tagebuch moolja
2008-08-23 07:29
Tiefpunkt - hätte mir gewünscht
hätti mir gwünscht, (hätti mir Vieles gwünscht, aber gäge di Chopf (u dert hesch mi ja verlah, wie Du seisch) chume i nid a hätti mir gwünscht Du nämsch mi i Arm - hätti de villech no eis wahnsinnig weh gmacht, aber de hätti villech gränne chönne, hätti villech gspürt, dass Du im Chopf (u Bett) scho wieter gange bisch das wäri für mi es Zeiche vo Wärtschetzig gsi und i hätti d Chance gha z'gspüre - es isch vrbi i begriffe scho, dr Chopf cha haut nid i Arm nä für das brucht me dr Körper aber i hätti mirs gwünscht damit ou i loslah cha (anstatt mi vor dir z ernidrige) ja itze hesch mirs umegä - hesch gseit, i heig Di broche Du mi ou mit dere Minimalstvariante vo Schluss mache hätti mirs gwünscht, viu angers ou aber für ds angere seit di Chopf nei aber mindestens das mindestens das hätti mir gwünscht cha nämlech eifach schlächt im Chopf beände es hätti weh u guet ta u itze tuets nume weh so billig hett no kene mit mir Schluss gmacht dr Erbarmigslosist hett mi eifach wäggstosse, wo i ihn umarme ha wölle - immerhin e klari Sach Di Chopf wott mi verlah ha nid emal soviel bi i dir wärt das tuet meh weh, als di beschissnigsti Umarmig u git mir es Gfüehl vo vollkommener Wärtlosigkeit nid nume ustuschbar sondern äbe ou wärtlos i hätti mir gwünscht Du hättisch Dir immerhin no d Müeh gmacht mi i Arm z näh TagsKommentare |
moolja OfflineMitglied seit: 28.07.2008CH mehr... 2008-08-23 07:29 |