beichte... mail an benny
hello hello dere *g*

i bin nu imma miad *g* voi org, daweil wor i scho umma hoiba 4 im bett... i hob eh a in gonzn tog vapennt und donn am obnd an siaßn auruf kriagt *gg* owa dazua späda ;)

hmm i bin ma ned gonz sicha, ob i da olles vom somstog vazöhn soid... i was zwor nu olles, owa trotzdem... glaub du warast ned gonz begeistat davo...
hmm, obwoi bessa fria ois späda: oiso... mei big sis hod mi umme gfiat und donn is de drutschn wieda ham gfoahn... najop... an da kassa glei moi mei großcousin da max und a guada bekonnta vo mia da reinhard gstondn und de hom natürlich nix bessas ztoa ois mia mein führaschein ausn gödbersl zflauchn und ind d kassa zlegn... *gg* najop hob na donn owa eh wieda kriegt, bi jo ned so...
jep donn hod mi glei moi d steffi entdeckt, a oide schuikollegin vo mu und hod mi ind cocktailbar verschleppt *g* hob i glei moi an pinacolada kriegt... wor ah ned schlecht *g* hmm jep donn bi i a weng mit lena und theresa ummadumzogn, hob in lehner roman mit seina freindin troffn und zwa minutn späda schließlich in hannes entdeckt... glei moi wieda wos trunga, er ois autofohra gonz brav a red bull und meine wenigkeit a cappy wodka, des wor zu der zeit scho mei drittes... hmm zu meine wodka brause bi i leida gestan ned kemma, weu da klauser zfaul wor, dass er zam auto geht... hmm najop donn moi kurz ba a poa musikollegn gstondn, owa a nua weu da hannes grod ned do wor... *g* hmm i glaub sche longsom kaust da denga wos schlußendlich aussakemma is, oda??
hmm... wia san donn bam gwicht hebn zsteh kemma und er hod se glei moi eigschriebn... s wor a ca. anadhoib meta großes podest durtn und in da mittn wor da griff... augfaungt homs mit 100 kilo, i hät ma nie docht, das des so leicht ausschau kau, das ma 100 kilo an meta ind heh hebt... najop... donn hods 125 und 150 und de entscheidung fia de erstn drei plätz is donn bei 175 gfoin... da hannes hod erst ba 150 aufgebn und da klauser hod in 3.plotz gmocht… wor a ned schlecht.. da hausberger thomas is drauf kemma, dass er 4 johr in mei parallelklass gonga is, owa mein vornom hod er nimma gwusst *gg* hmm irgndwonn is ma donn ziemlich koit worn, hob i ma mein pulli auzogn *g* hob i ma in weiser voraussicht mitgnumma ghobt... hmm... jep nua in hannes wor a weng koit, hod nua a kurzärmlichs hemd aughobt... er hod wenigstns scho aussagfundn, das i frech bin *gg* najop… während ma do so zuguxt hom bam gwicht hebn, bin i irgndwonn an erm glahnt und er hod seine händ in da kängurutoschn va meim pulli ghobt, oda wia san nebnnonda gstondn und er hod sei hond um mei schuita ghobt, i meine um sei hüftn… ka ahnung warum, hod se afoch irgndwie so ergebn… wie des gonze gwich hebn donn scho aus wor samma wieda ind dhalle einigonga und hom uns auf an tisch vor da bühne, glei nebn da bar gsetzt, irgndwie samma imma aneinander glahnt… hm najop… i hob bis jetzt nu ned olles verorbeitet wos an dem obnd los wor… es wor irgndwie olles voi komisch… i hob an du docht, owa er hod mei hond ins seina ghobt… irgndwonn samma donn wieda ausse, weu mia so schlecht wor… samma an an tisch glahnt und hmm i glaub i geh lieba ned näher drauf ei… er is donn schaun gonga wo de leid san, de er ham fian soit und aufamoi is da bernhard nebn mia gstondn und hod gmahnt: gratulation zu deim neichn… i hob afoch nua s locha augfaungt… hob donn ah nu gmahnt das ma ned zaum san, wia hom uns jo am somstog erst zum drittn moi troffn… donn wor er wieda weg, da dominik wor do und hod mein nom erratn woin, drauf kemma is er owa ned, wahrscheinlich weu er scho voikommen dicht wor… hmm donn san nu a poa leid ba uns zam steh kemma und dandrea, de schwägerin vo an musikkollegn va mia hod gmahnt, dass i doch de mitn hannes bin… wieda moi guad glocht, owa najop, so kau mas ah ausdruckn, schließlich worn ma fost in gonzn obnd beinond… jep dandrea hod donn nu gmahnt, a guada tipp von frau zu frau, da hannes is zwor a netta kerl, owa i soids trotzdem laungsaum augeh lossn… irgndwie hom de olle augnumma das ma jez zaum san… hm scho komisch gwesn… wia san donn wieda ind halle, gemeinsam, und hom seine leid zaum gsuacht… da rudi hod glei moi gfrogt, wos leicht ba uns do los is, weu ma händchen hoidnd (boah hert se des kitschig au) ummadum gaunga san… de meistn seina leid san owa scho irgndwie ondast ham kemma und so homma nua ane zusätzlich ham bringa messn… kam kemma in neistadtla berg aufa, faungts zerst zam regna und donn zam hagln au, jep do hod er mi doch ned aussteign lossn kenna *g* er hod ah hmmm najop sog ma moi ziemlich fesselnde methode ghobt, damit i ned durchn hagl geh… najop so bin i donn ebn erst umma hoiba 4 ins bett kemma, obwoi ma eigntlich scho umma 3 vorm haus gstondn san…
de näheren details hob i auslossn, i glaub de kaust da eh zaumreimen…
am sonntog nochmittog hod da richi moi augruafn, den i in euratsfeld kenna glernt hob... wor a weng verwirrend, weu i erm mei numma ned gebn hob, oiso muass i doch an gewissn eindruck bei erm hinterlossn hobn...najop, er hod eh gmahnt, er hät ma fost an überraschungsbesuch abgestattet, owa er is vor meim vota vorgwarnt wordn... *g* najop, er is donn gonz verbittert wieda ham gfohrn, ohne das er mi gseng hod...
am obnd donn hod da hannes augruafn, hod gfrogt obs ma scho bessa geht und so… ka ahnung wie laung ma gredt hom, owa er hod a beruhigende stimm und er hod m vü va sich vazöht… i werd da de einzlheitn ned vazöhn… is wahrscheinlich eh uninteressant fia du…

soo i her jez moi auf zam schreim, weus wahrscheinlich ned nua hort fia di is zam lesn, sondan a hort fia mi zam schreim…
owa wer was… vllt bist jo a froh, dassd mi jez so auf de ort los host… i kaus da ned moi verübln, wennst di nimma bei mia mödst, oda so…
an meine gefühle fia di wird se ah nie wos ändan, und i bezweifle, dass i je wieda so stork fia wen empfindn kau, wie fia di, owa du host recht ghobt… i kau ned ewig wortn… 11 monat san a longe zeit und i wü ned auf mei jugnd vazichtn, nua weu du di ned überwindn kaust…