*grrr*
24.07.2006 19:52

de wut und der zorn die derzeit in mir brodeln san echt unbeschreiblich… i zitta so vü das ma scho echt am orsch geht, jez irgndwie niedasaufn oda so wa ned schlecht…
olles vagessn und afoch nimma do sei… hmm tablettn waradn do ah ned schlecht…

najop wos sois…nochdem i weg bi homma a bespechung der nächstn tage ghobt... meine sis fohrn in prater am Samstag, mitn zug… dass mi frogn, ob i mit wü, auf sowos kemmans ned moi… wast wie grindig des is?? es hast imma „ du musst am familienleben teil haben, dich integrieren“ und dann sowos… echt sche, oda?? nu dazua hod jede vo erna 100 euro vo meina oma kriegt, weu ohne göd in prater, des geht jo ned… meina klan sis hods fost in gonzn laptop gsponsert, obwoi se orbeitn wor und se 2 hät kafn kenna um des göd wos vadient hod und meina ondan sis hods es hoibe auto gschenkt…
irgendwie schoff ichs imma wieda, dass i de scheiß orschkortn ziag… wenn meine parents wütndn san, auf wen gengans los? sicha ned auf de onda, weu dsarah nua dohuckt und s über sich ergehn losst und dmartha nua goschat zruck redt, bis irgndwer komplett auszuckt, do is doch vü lustiga, wenns auf mi losgengan…
gott.. i kunnt jez irgndwos nehma und gengn dwond schmeißn und donn zaumbrecha, jep des was jez… owa wie mei dad imma so sche sogt, ich suhle mich immer in meinem selbstmitleid… de ondan siach i ned moi in meina egoistischn wöd…
wenn i wirklich egoistisch warad, darat i ned jedn vadommtn tog kochn, warad i egoistisch, kunnte meine friends ned mit jedem prob zu mia kemma, warad i vadommt noch a moi egoistisch, donn wa i scho längst aus dem kotzhaufn hia weggrennt…

i kriag mei zittan afoch ned unta kontrolle und des is mit obstond des, wos ma am meistn aungst mocht… i kunnt jez afoch wen auruafn, nua wer darat se dafia intressiern wies mia geht?? d ella hät heid moi augruafn, owa mit ihr wü i zua zeit ned redn, se ruaft echt nua au wenns probleme hod und donn redts ständig nua vo ihr, faung i moi wos zum dazöhn au, kau ma sicha sei, das 2 minutn späda wieda sie suddat… kathi mocht angeblich urlaub… se hod zwor gmahnt se geht mit mia auf de voigas party am Samstag und übernocht bei mia, owa so wies ausschaut wird des nix… is ma eh wurscht, i bi vü lieba alla untawegs, wenn i weg geh und drum wü i ah ned mei jinare cousine mitnehma, de darat se nua wieda an mi hänga, in gonzn obnd, des hob i scho a poa moi ghobt, den gleichn föhla moch ned moi i zwamoi…

i werd jez afoch de beruhigungstablettn suachn geh und bis morgn fria schlofn, obwoi i ma jo verlieben verboten auschaun woit, owa wos sois…