e-Mail
Hi Klausi,
tuat ma lad, oba i hob echt die schnauze voll davon, dass du imma so gereizt auf mi reagierst. i man, i hob verständnis dafür, wenn du mi momentan nit ausholtest, und desholb wollt i heit a in da bibliothek mei proseminararbeit schreiben. Du host gsog, dass...
...i di in ruhe lossn soll
...tuan soll wos i man
...dir wurscht is, wos i moch

Also schreib i meine sochn do auf da uni, hob i gedocht.

Na. Auf amol soll i daham saubamochn. OK. Moch i. I will wirklich nit im Dreck leben.
Oba i hob holt nit so an Putzfimmel, wie di Dada. Und di Uni is mir a wichtig.

Donn manst du glei, dos is a ausred - weil aufnocht jo ka licht is. Na, i hobs schlichtweg vergessen, weil i den Kopf so voll hob. Tut mir auch leid. Und danke, dass do mi daran erinnert hast.

I reiss mi eh zom:
I woa ruhig heit in da Früh, obwohl i Kopfweh ghob hob.
Wo du gsog host i soll mi nit wieda hinlegen, sondern auf die Uni? Du host recht ghob, kaum wor i auf da frischen luft isses bessa worn. Danke! (Und i man dos danke ehrlich)
I hob drüber nochgedocht wos du gsog host, und du host meistens recht. Deshalb geh i nochn kurs a ham und kehr zum, wisch den Boden und ram unsa schlofzimmer zom.
Und bedank mi auf diesem Wege a dafür, dass du soviel mochst daham. Mir follt dos auf, und i bin froh das du Wäsche, Katzenklo usw sauba mochst. Dos is ma echt a große Hilfe jetzt im Prüfungsstress.

I bin leida, wos Menschen angeht, a vollidiot. In der Hinsicht vasteh i oft nit wie irgendwos gmant is, wenn jemand mir etwas nit knallhart ins gsicht sog. I denk oft drübe noch, wos monche leit redn, kum oba meistens erst zu spät drauf wos gmant is. Dos is wos, wos i lernen muas.

Und i glab a dass i was, was i zum tun hob:
...Lernen, lernen, lernen für die prüfungen
...früh aufstehen (6.30)
...meine sochn imma glei wegramen
...an fixen platz für meine schulsochen finden
...kehren, wischen, bett mochen und so klanigkeiten
...auf mei Erscheinung schaun (mocht ma in letzter zeit echt spass, mi zu schminken und mir di hoa schen zu richten...)
...Fußballtraining
...am wochenende arbeiten gehen (wenn i mitn lernen noch zrechtkum)

I glab üba dos brauch ma neama redn.

Sollt i wos vagessn hobn, oda sich wos ändern - wäre dos wirklich so schlimm für di kurz mit mir darüber zu reden?

I fühl mi nämlich in letzter Zeit total komisch... i was eigentlich miast i happy sein, weil soweit olls passt. Mir geht anfoch nur dos Reden mit dir ob. Und dos Zuabeliegn aufnocht beim Fernsehen. Vllt kriag mo dos jo bold wieda hin.

I woa nur an Tog weg, und hob sofort gmerkt, wie du mir obgehst. Es is jo nit on dir glegn, dass i obghaut, bin sondern hauptsächlich daran, dass i mit mir selber nit auskummen bin. I bin eigentlich eher vor mir selba davongloffn. Nimm dir doss bitte nit so zu herzen... i wer da schon sogn wer mir den floh ins ohr gsetzt hot, sobald wir wieder normal miteinander reden. Im Moment sog i nur liaba gor nix - sonst bin wieda i die blede.

I denk grod dron wia ma mitn cabrio durch die gegend gfoan san und die sun obaghazt hot - dos gefühl vamiss i am meisten. mir is so guat gongen im sommer. do homma uns anfoch kane sorgn gmocht.

Hoffentlich konnst du die a bold wieda entsponnen, und vor ollem will i nit, dass du wegen mir an stress host. I frog mi die gonze zeit, wonn dos ongfongen hot, dass ma uns gegnseitig nur mehr belasten. I will dass dos endlich wieda aufhört, und i was anfoch nit wie i dos bewerkstelligen soll. Sicher san die punkte die i oben aufgezählt hom a anfang, i bin wirklich imma ziemlich unzuverlässig und launisch gewesen, dos gib i offen zu.

Und wenn i mi echt nit in griff kriag bis zu die ferien, vllt konnst ma donn jo helfen mit die ärzte und so(weil du heit in da früh gsog host, du wast wos du sogn muasst). I würd echt olles dafür tuan, dass es mir wieda bessa geht, wenn sunst nix hilft. (I woa schon durt, wast eh. Sogar do homse mi wegschickt)

Bis dorthin wer i anfoch vasuchen, olls wos vorbei is loszulossn, und mir drauf gfrein wenns uns wieda gut geht.
I wort nur auf an Hinweis von dir, dass es überhaupt noch an sinn hot. Oda hob i denn eppa schon wieda übersehen?

Immerhin host ma den Meldezettel geben, dass i mi wieda anmeld...

Dos is morgen a zum erledigen. (Kommt glei auf mei liste)

Und denk anfoch dron, dass i unter meine Launen genauso leiden muass wie du, nur i konn nit anfoch weggehn. dafür loss is oft auf dir aus, (i konn mi schlecht selber anschrein) oba dos is mir jetz klor und i wers abstellen.

I will mit di mit der EMail nit bedrängen oder sonstiges, es hilft mir anfoch nur dos aufzuschreiben, und du darfst es lesen wenn du willst. Wenns di nit interessiert lösch es anfoch. I kum a oft auf einiges drauf während i schreib.

Auf den Schmolz am Schluss vazicht i, sie wissen schon...