Willkommen auf Tagtt!
Friday, 29. March 2024
Tagebücher » pura-animada » News, Bilder, Videos - Online
Tagebuch pura-animada
2009-05-07 20:26
MONDO ITALIA
Und wieder a Tog weniger =D
Oiso heid hod in Linz de Veraunstoitung „MONDO ITALIA“ augfaungan, des hast, es worn de gaunze Laundstroßn entlaung lauter Standln mit italienische Spezialitäten, sprich verschiedene Weine, Prosciutto, Salami, Parmesan, Panini, Oliven und de gaunzen eiglegten Dingensn, daun an Haufen diverser Süßigkeiten und Mehlspeisen etc.
Oba des geilste worn ned de verschiedenen Lebensmittel, sondern de mediterrane Stimmung in Linz, voi geil.

Heid in da Friah bi i daun glei um hoib ocht in d’Stodt gfoan, weil i unbedingt italienisch frühstückn woit….^^ wor natürlich de einzige de daun scho durtn wor ^^
Oba es wor ned schlecht dass i gaunz alla wor, weil do bin i daun oiso am Hauptplotz gsessn, mit meim Panino und daun is af oamoi da Köna herkema mit zwoa Glasal Prosecco…hmm naja in da Fruah scho zum saufen aunfaungen und daun no dazua vor da Orbeit is zwar ned so guad, oba….“Na“ song wär jo a unhöflich gwen.

Jo daun wor i e oabeitn oba nur bis Mittog. Do hob i mi daun mit meiner „La mamma“ troffen und mia san daun noch amoi de gaunze Laundstroßn obgaunga und hom glei a Obndessen kaft. Hach…so sche, wennst wenigstens italienisch 10 dag Prosciutto bestön kaust, nur leider worn de gaunzen „gestressten Pensionisten“ a do und natürlich wie diese Leut hoid sand „gengans amoi zur Seiten“ „derf i amoi do zuwi“ „kenans ma song wos do steht, i siag neamma so guad“ …uff.

Und daun hob i am Nochmittag meine ersten Dinge amoi einpockt fia Italien, oiso 1. amoi de gaunzen Medikamente, weil a wenn i Vertrauen hätte und italienische Medikamente sicha nid schlecht sand, …de meinigen, de kenn i scho und san ma liaba ^^ wos da bauer ned kennt, frisst a jo a ned…
Jo und zum 2. de geilen Caramellzuckerl vom Hofer…boa san de geil und die gibt’s in Italien ned, bin zwar a wenig bled vorkema bei da Hofer-Kassa mit 12 Sackerl Caramellbonbons, oba is ma wurscht…^^
Nur der Schas is, i hob ma do hiaz amoi so a „kloane“ Listen zaumgschrim wos i ois vorhob zum mitnemma, oba irgendwie glaub i gibt’s ned amoi so an großen Koffer, tjo wird se aussastön wos daun ois wirklich einipasst *angst hab*

Hmm wos gibt’s no zum erzählen….jo morgen is daun zusätzlich zu dem Mondo Italia no de große Einkaufsnacht in Linz, wo olle Gschäfter bis 22 Uhr offen haum, oba…leider muss i bis 22 Uhr orbeitn und kaun ned higeh =( oba jo…dafia hom e de Standln bis 23 Uhr offn =D

Nagut daun wünsch i ollen daun nu a guade Nocht und betets dass moang wieda schen wird, weil i kaun hiaz echt koan Regen mehr seng….

Keep rockin
Carmen

♥♥ noch 25 Tage – solo 25 giorni ♥♥


Tags

mondo 

Kommentare

Noch keine Kommentare!
Kommentieren


Nur für registrierte User.

pura-animada Offline

Mitglied seit: 06.05.2009
AT mehr...
Wirklich beenden?
Ja | Nein

2009-05-07 20:26