samschtig
Hüt het de igor geburifescht gmacht. am morge hani zersch mal bitz uuspennt (endlich), spööter bini denn uf di 1 zu minere gääu. mier hend müesse palmbeum baschtle im blauring. wä de gisi het sini haar gschnitte. apropos gisis: mier hend e furchtbari theorie usegfunde. wo d sani em silvan d sms gschribe het , isch det gstande si seg nid sin typ etc. aber eigentlich hets ja mal an bewiis geh, sones mail, das er uf sie staht. ok, de silvan het en brüeder, de daniel, und beidi nenned sich ebe gisi. also, d sani het d nummere vom fäbe. nehmemer aa, er isch zum werwolf gange und het gseit "gib mer d nummere vom GISI", denn hetti de werwolf doch ihm chöne d nummere vom eltere geh!! denn wr s ganze rätsel glöst. armi sani =( am abig denn bini direkt zu de schneggöö. mit de carmen, em robin und em sari. ufem weg isch sones chliises meitli gsie, sie gseht eus so und denn frögt sie ihre vater: "papiii, was sind das für mensche??" jöö :P
bi de schneggöö hets mega feins food geh, nachher sind denn no d vivien, d vy und d meret cho. den hemer no gschenkli geh, er het huere freud a de carmen und mier selbergmachte schnegge gha. hoffemer das sie nüme uufplatzt ^^ denn hemmer BLAIR WITCH PROJECT gluegt, aber de isch nid soo schlimm gsie, nume d vorstellig, das er uf echte begebeheite berueht, macht mer bitz angscht... nachehr simmer den bald emal gange, de sari zum robin go penne und ich mit de carmen no im stadtpark debii. ali *echte* punks figged eus emel huere tumm a, langsam schists mi echt a. ich meine huere gern würi dezue ghöre aber mit 14ni under dene umstend isches so guet wie unmöglich. im stadtpark simmer den chli zwüsched chotze und bierscherbe aneghocket, isch aber huere gmüetlich gsie mit mim de gääfr. denn lit det sones gääls volekotzt jäggli, aber easy hemmer eus denkt und denn hemmers eifach mitgno. sie wäschts no und denn hemmer doch es wunderbars aadenke an stadtpark und an früeligsaafang, oder?
bi ihre aacho, hemmer bim wahrheit oder wahrheit spile gmerkt, das mer no luscht uf glace hend. also hemmer eus churzer hand es paar chugle vanille und öpfelsorbet glace gschnappet und sind veruse ghocket. vol fridlech ^^ bald simmer den go penne. und so het en schöne samstig ufghört. ^^[


[Bild nicht gefunden]
[Bild nicht gefunden]
[Bild nicht gefunden]